بسم الله الرحمن الرحيم
هذه قصيده اعجبتني كثير فحبيت ان انقلها لكم
الناس واجد مير ما مثل الاخوان000ما مثل اخوك اللي يحبك ويغليك
ما مثل اخوك اللي صدوق ومعوان 000 تفديه بالغالـي وبالـروح يفديـك
يشكي لك جروحه وهمه والاحزان 000 ولا ضاقت الدنيا بهمك يواسيـك
لو كان لك ربعٍ ونـاسٍ وجيـران 000ما مثل اخوك اللي عن الناس يغنيك
أخوك هو عزك ولو كان ما كـان 000 يبيع كل الناس لأجلك ويشريـك
أنا أشهد أنه لك على الصدر نيشان 000 تاجٍ على راسك وستـر يغطيـك
وانا اشهد انه مـا يثاقـل بميـزان 000مثل الذهب والماس مافيه تشكيك
وانا اشهد إنه ما يقـدر بالاثمـان 000 عن العدو حصـن ودرع يوقيـك
إياك لا تفتـح طريـق لشيطـان 000 بينك وبينه جعـل ربـي
ينجيـك
ولا تستمع لاجاك علان وفـلان 000يا كثر ما تسمع من اللي يعاديـك
ولا تجعل لغيرك على العقل سلطان 000ترى كثير اللي بشـوره يدهويـك
ترى الدهر دوار يا سرع الأزمـان 000يومٍ تواريـه الثـرى أو يواريـك
تقول يا ليت الذي كـان ماكـان 000 يا ليتني بالقبر جنبـك واخاويـك
يا ليتك تعود واضمك بالاحضـان 000 أضمك لصدري واقبـل أياديـك
يا ليتك تعود ترى القلـب ندمـان 000 وده يسوق المعذرة ثـم يراضيـك
مير البلا يا ليت مـاردت إنسـان 000ويا ليت ما تمحي ظلام بما ضيـك
تماكن الدنيا وواصـل بالاحسـان 000قبل الندم يطويك والهـم يبريـك
ونهاية المشوار ما غيـر الاكفـان 000 ويبقى مع السارين ذكرك وطاريك
العرض العادي
